النجم الثاقب
يا الله يامن عليك الشعب متوكل
في وقت لا عاد به
فاقد ولا فقاد
لا عاد ريس ولا مسئول متمسئل
ولا مَزارع ولا زراع ولا
حصاد
الحمدلك عد ما مزن السماء يهمل
ما الناهض الحجري امسى راعده رعاد
وعد ما امست عليّا جارتي ترسل
رسايل الموت من صاروخيات اغراد
خامس سنه واليمن صابر ومتحمل
همّ النكد من خليج الهم والنكاد
من عام الفين واحدعشر وهو يدجل
ويضلل الشعب ويغرر على الاوغاد
واحزاب الارهاب تقتلنا وتستقتل
احنا الضحيه وهم( ساطورة) الجلاد
الفين واحدعش شره شر مستفحل
ضعنا وضاع الوطن في حومه الوقاد
دق اليمن دق ما خلا ولا مفصل
واستهدف الراس ذي حامي على الاجساد
جاء له وهو في مقام الله متبتل
والله نجاه واخزى الخاين الكيّاد
وانجاه يوم النفق من عيب متوغل
لا تحت بيته وخاب اعداءه الحسّاد
وانجاه فى الثالثه من حلف ابو جلجل
وال إف16 حق العاهل القواد
انجاه بالحق وازهق باطل المبطل
جليت يامنجي ابراهيم من نمراد
يقول ابو زيد سجل يازمن سجل
عجايب
الدهر واعلنها على الاشهاد
سجل تواريخ سوداء مخزيه تخجل
يحتار في وصفها الشعار والنُقاد
سجل تواريخ سطرها عرب أيدل
اعراب نجد اليمامه نجد الاستبداد
تاريخ سته وعشرين مارس الموحل
من عام خمسه عشر والفين للميلاد
تاريخ عدوان ساقه حقد متأصل
حقد اليمامه على جيرانها الاسياد
عدوان أُسره بلا تاريخ متسجل
تشتي تسجل لابوها بالحروب امجاد
والترك ذي ما لقيت فى اليمن منزل
الا الحُفَر ذي نزلها جيشها الرداد
واليوم باحقادها تشتي تبيد الكل
الله ياتركيا يلعن ابوها احقاد
واذيال شتى بها كلين متنعل
داخل وخارج لرب المصلحه عُباد
الله يلعن شرف من عاش متسوّل
بياع مبدا مباديّه مع من زاد
ماحد على بو يمن يااذيال متديول
لا
تُرك روما ولا فارس بني سجاد
ولا السعودي عميل )السير( والقنصل
خادم اساطيل) ناتو( عبد الاستعباد
عبد العواصف ذي آخرهن ضرب معقل
صنعاء
التواريخ واولهن ضرب بغداد
ياعبد باريس وآثينا وبوركسل
والبيت الابيض
وقصر الويلز والموساد
ايران مش في اليمن ياالنعجه الموبل
ايران ماحلّت الاّ حيث هي تعتاد
حوّل عيونك على الخمس الجُزر حوّل
باتوجد ايران سوتهن لها مرغاد
اذا معك قلب حرر قيدهن وارسل
درع الجزيرة وقع عنتر ولد شداد
والا فهي ذاك ارض القدس ذي ترفل
باصفاد
صهيون قدضاقت بها الاصفاد
سبعين حجه وهي تستنجدك تقبل
تفرع عليها ولا لبيته استنجاد
قُدام الاعداء هديتوا يا ثعيل اثعل
وانا هديتوا نمارة ضاريه وأساد
والله لوما ولولا الجيش متهيكل
دمر قواة الخون والريّس العصاد
مايوصل الحد منكم عسكري أوبل
ولا
تصيدوا جراده من طرف مجراد
لكن فلا واصل الحرب استبيح اقتل
احرق بنار الصواريخ الجبل والواد
هدّ المنازل على روس النساء واوغل
في قتل الاطفال
حاصر شربهم والزاد
دك البنى التحتيه للشعب واستهبل
وامنع موانيه من تصدير واستيراد
فرصه ذهب لا تضيعها ولاتهمل
قد ربما لن تعوضها ولن تنعاد
وانا اوعدك وعد لا اهمل ولا استمهل
وعد اقطعه
بسم ذي ما يخلف الميعاد
بسم اليمن والزعيم وجيشنا الباسل
ولجاننا الشعبويه قوة الاسناد
ان اليمن باتخذ بالثأر متدبل
وانك بيدك حفرته لحدك اللحاد
فتحت من حولك ابواب الجحيم ادخل
من ايها شئت تلقانا لبالمرصاد
هذا ابو احمد على الابواب مستقبل
واحفاد الانصار حوله تكرم الوفاد
ان جيت ولا المضيّف با يجي مرجل
والويل لك من مضيّف زاد به ما زاد
قد له ثمانين سنه مقهور مستبطل
وانته تزيده على قهره حريق اكباد
حاصرت آزال سبعين يوم يامحْول
حقدآ على ثوريتها ضد الاستبداد
وسرت تدعم قوى التخريب وتموّل
تقتل قيادات وتحرض قُبُل وافراد
وتحارب التنميه في الشعب وتفشّل
سير المشاريع وتشجّع قوى الافساد
لولاك ماالانفصالي قال بايفصل
ولا) افورقي) دخل لا بحرنا حشّاد
ولا الحروب اصبحت مابيننا تهبل
خمسه عشر
حرب ذي قد عدها العداد
ولا اصبح المذهب الملعون متغلغل
في ارض الايمان
تلعب به على الاجواد
والان جيته بحلف الخزي متسلل
بسم الدنابيع واهل الكيد ذي ما فاد
خوّان الاوطان ذي خلوك تسترجل
وتسدد اهداف ماكنته لها سداد
كلاً يغني على ليلاه ويطبل
وانته معك من غناويّك مية مقصاد
غنيت في سوريا والقيتها تشعل
وليبيا كنت فيها للعدو امداد
ولكن ابشر بنا ناخذ بثارالكل
ابشر بها ريح عاصف من عواصف
عاد
ابشر بها ريح صرصر عاتيه تحمل
لا اذيالك
الموت ولجيشك حمى الوقاد
ابشر بها نار حمراء مسعره تنزل
على قصورك
نزول الصاعق الهداد
مايو قدر شعب مانْتَه ليه متوصل
وايلول بركان
يستعصي على الاخماد
بركان ناسف لتيجان الغبا والذل
والدور واصل لتيجان الغبا ذي عاد
لابد يابو عقال وبشت ما تعقل
لا بد يا (سين)ماتركع
على ايدي (صاد)
في ارضنا الطفل يابو عقل متطفل
لاشبت الحرب يمسي عنها ذواد
لابد نجليك من نجران مترحل
مطرود حافي وحافي جيشنا طراد
لابد من فتح مكه فتح متجلل
لابد يرجع ليثرب سعد والمقداد
لابد من حج في ذي الحجه المقبل
واحنا نزومل وزينات العيار جداد
لابد ياطير مهما عشت متجول
لابد من يوم توقع في يد الصياد
لابد تهدا حديث الناس في قوقل
والا فلا احنا
لقحطان العظيم احفاد
ختم الخبر صَلّ يامفرض ومتنفل
على النبي سيّد العُباد والزُهاد
ما كل تالي تلا لله ويرتل
في الكهف
والنور والجمعه وسورة صاد
****
كلمات الشاعر
هلال احمد المرادي
احسنت
ردحذف