مدري هويت الحب والا هويني
|
مدري هويت الحب واﻻّ هويني؟
|
واﻻّ انّ هو كفّارتي كُلّ
مااخْطيت؟
|
إن شافني مايلت عنّه يجيني
|
وانْ مال عنّي بعد ماجيه
حنّيت
|
أمشي ويسراته تعانق يميني
|
والقاه في وجهي متى عنّه
اقفيت
|
واصْبُح وهو يقْطُرْ ندى من جبيني
|
وامسي وهو يمسي معي حيث
ماامسيت
|
والبس وهو في ملبسي يحتويني
|
وآشوف فيني مسكنه ﻻتعرّيت
|
واخلّد ايّامه واضيّع سنيني
|
وآموت لاجْلَه حيّ واحْيا
وانا مَيْت
|
هذا الهوى من يوم ماحَلّ فيني
|
اوهبت له نفسي وعنّي تخلّيت
|
في الغُربه اهْلَكْني بلوعة حنيني
|
والقى بدونه غُرْبَتي داخل
البيت
|
لااسأت به ظنّي وجدته يقيني
|
وان ظنّ فيني سوء فانا
له اوفيت
|
واذا تجاهلني فهو ما نسيني
|
واذا تجاهلته فانا ما تناسيت
|
واذا تجاوزته رجع يرتجيني
|
واذا ضُعفت وعوده اشتدّ
جَنّيت
|
واذا اقتربت من الشفاء يبتليني
|
واذا ادّعَيتِ العافيه
ماتعافيت
|
واذا عزمت ببيعته يشتريني
|
واذا كَفَر بي طُفت حوله
وصلّيت
|
واذا كفَرت بْملّته ذمّ ديني
|
واذا اعتكفت بْمسجده ماتوضّيت
|
مدري هويت الحب واﻻّ هويني
|
واﻻّ انّ هو كفّارتي كُلّ
مااخْطيت
|
ان مَلّ منّه خاطري يشتهيني
|
وان دوّنَه لي شَطْر جاني
مية بيت
*****
|
